Presidenti Ilir Meta ka takuar ditën e sotme udhëheqësen e opozitës bjelloruse, Sviatlana Tsikhanouskaya. Lajmin e ka bërë të ditur vetë presidenti përmes një postimi në rrjetin social Facebook ku shkruan se, bisedat e tyre u përqendruan në bashkëpunimin e mëtejshëm mes vendeve. Këtu Meta thekson se Shqipëria mbështet punën e Bjellorusisë për të ecur me perspektivë demokratike.
“Kënaqësi të takoja sot udhëheqësen e guximshme të opozitës bjelloruse, znj. Sviatlana Tsikhanouskaya. I urova shumë suksese në misionin, përpjekjet frymëzuese dhe lidershipin e dëshmuar. Lirimi i të burgosurve politikë, liria e medias dhe e shprehjes, si dhe mbajtja e zgjedhjeve të lira e të ndershme janë tepër të rëndësishme për të ardhmen demokratike të Bjellorusisë. Shqipëria qëndron në krah të aspiratave demokratike të popullit bjellorus”, shkruan ai.
Meta thekson se liria e fjalës dhe garantimi i zgjedhjeve të lira janë të rëndësishëm por për çdo popull që ecën drejtë demokracisë.
E.H/ gijotina.com/
