Presidenti Meta ka takuar pak minuta më parë ministren e Punëve të Jashtme në Suedi, Ann Linde, ku kanë diskutuar për angazhimet e vendeve për një rajon më të sigurt.
Lajmin e ka bërë të ditur presidenti përmes një postimi në Facebook, ku shkruan se diskutoi me ministren rreth prioriteteve të përbashkëta të dy vendeve në lidhje me Ballkanin.
“Kënaqësi të takohesha me Kryetaren e radhës së OSBE-së, Ministren e Punëve të Jashtme të Suedisë, Zonjën Ann Linde, në kuadër të vizitës së saj zyrtare në Tiranë.
Vlerësova kryesinë suedeze të OSBE-së, rolin, përpjekjet dhe angazhimin me synim krijimin e një rajoni më të sigurtë dhe më të mirë për të gjithë, si dhe e sigurova për mbështetjen e Shqipërisë në çështjet e multilateralizmit dhe prioritetet e kryesisë aktuale.
E falënderova për rolin mbështetës të Suedisë në planin”, shkruan ai.
Ministrja Suedeze mbërrit mëngjesin e sotëm në Shqipëri, ku u takua me ministren Olta Xhaçka.
