Pak ditë më parë presidenti Ilir Meta ka kthyer mbrapsht projektligjin për buxhetin 2022, ndërsa çdo ditë publikon kritikat dhe arsyet pse e ktheu atë. Ditën e sotme në një postim në Facebook ai shkruan se, nuk mund ta kalonte buxhetin 2022 pasi është antisocial, vepron vetëm për rritjen e çmimeve dhe asnjë indeksim pagash apo pensionesh. “Buxheti 2022” është antisocial. Janë rritur: Çmimet e ushqimeve 4.5%; Shërbimet e transportit 6.9%; Shpenzimet familjare për shëndetësinë 28%. Qeveria zero rritje reale për: Ndihmën ekonomike; Pensionet në fshat dhe qytet; Pagat për 71% të administratës”, shkruan ai.
Ditën e djeshme ai pati edhe një replikë në distancë në me kryetaren e Parlamentit, Lindita Nikolla, pasi kjo e fundit e quajti kapriço vendimin e presidentit. Ndërsa ky i fundit i tha se nuk mund të firmos për një buxhet i cili dëmton fermerët dhe bizneset.
Discussion about this post