Presidenti i Partisë së Lirisë, Ilir Meta tha këtë të premte në një konferencë për mediat se SPAK duhet të hetojë procedurën e tenderit të tunelit të Llogarasë, që sipas tij, është një krim.
“Mbase është një krim më intelektual sesa ky i grabtijes pa maska tek inceneratori që nuk ekziston në Tiranë. Ju lutem, mos ia ulni vlerën denoncimit të ish zëvendëskryeministrit Arben Ahmetaj. Ai tha saktësisht “se i njëjti projekt u shtua fiktivisht pas vizitës që u bë në Turqi me 50 milionë euro”. Dhe andej nuk erdhi asnjë makineri dhe asnjë pajisje shtesë, por përkundrazi kompania lokale përsëri bëri punën, por në këtë rast si nënkontraktore. Janë 50 milionë euro, është me zë e figurë. Zoti Ahmetaj mund të gabojë në gjëra të tjera, por tek shifrat nuk gabon”, u shpreh Meta.
Më herët gjatë një interviste televizive, edhe ish-numri dy i qeverisë Arben Ahmetaj denoncoi se tenderi për tunelin e Llogarasë nënshkruar mes një kompanie turle dhe Ministrisë së Infrastrukturës e drejtuar nga Belnda Balluku, është me shifra të fryra artificialisht.
Discussion about this post