Meta u bën thirrje qytetarëve për protestë: Në një shtet të kapur nga mafia kush do t’i vendosë?

Kryetari i Partisë së Lirisë, Ilir Meta ka bërë thirrje për protesta, që sipas tij do të vendosnin rendin kushtetues në vend.

Përmes një reagimi në “Facebook”, Meta thekson se kjo gjë do të ndalte keqqeverisjen e kryeministrit Edi Rama, duke e konsideruar Shqipërinë si një shtet të kapur nga mafia.

MESAZHI I METËS
Në një shtet të kapur tërësisht nga mafia kush do t’i vendosë përpara përgjegjësisë shkelësit e ligjit, të sigurisë kombëtare dhe të transferimit të të dhënave të qytetarëve te patronazhistët për qëllime shantazhi dhe presioni?
Vetëm protestat qytetare do të rivendosin rendin kushtetues dhe ligjshmërinë për t’u ndarë me dekadën e hajdutërisë dhe keqqeverisjes të Edvin K. Ramës. ??