Meta uron “7 marsin” me foton e veçantë: Gëzuar të gjithë mësuesve

Pas kryeministrit Edi Rama, edhe presidenti Ilir Meta ka uruar të gjithë mësuesit me rastin e festës së “7 marsit”. Në një postim në “Facebook”, shoqëruar me një foto të rrallë nga Mësonjëtorja e parë Shqipe, Kreu i Shtetit shpreh mirënjohje për të gjithë mësuesit e profesorët.

“Gëzuar 7 Marsin për të gjithë mësuesit, pedagogët dhe profesorët shqiptarë! Mirënjohje veprës tuaj të ndritur dhe suksese në misionin fisnik të përçimit të dijes, vlerave qytetare dhe kombëtare”, shkruan Meta.

Më herët, edhe kryeministri Rama kujtoi “7 marsin”, duke i uruar mësuesit në festën e tyre me disa mesazhe të veçanta nga kolegët.