Prokurori i Prokurorisë së Posaçme Antikorrupsion (SPAK) Sotir Kllapi, ka kundërshtuar kërkesën e bërë nga Ilir Meta për zëvendësimin e masës së sigurisë “arrest në burg”, duke argumentuar se nuk ekzistojnë rrethana të reja që të justifikojnë një vendim më të lehtë.
Gjatë seancës në GJKKO, Kllapi deklaroi se mbrojtja nuk ka paraqitur prova konkrete që tregojnë ndryshim të kushteve apo zbutje të nevojave të sigurimit.
Prokurori argumentoi se veprimtaria kriminale për të cilën akuzohet Ilir Meta shtrihet nga 2009 deri ne 2017, duke theksuar se “ne mendojnë se rrezikshmëria shoqërore është evidente”.
“Mbrojtja nuk paraqiti asnjë provë se çfarë ka ndryshuar, por vetëm argumente të përgjithshme. Mbrojtja ju referua vendimit unifikues të 4 majit. Nëse nuk ka asnjë rrethanë që ka zbutur nevojat e sigurimit, apo dyshimin e arsyeshëm ne mendojmë se nuk ka asnjë rrethanë të ndryshuar.
Veprimtaria kriminale për të cilën akuzohet i pandehuri Ilir Meta shtrihet nga 2009 deri ne 2017 dhe për veprën e “deklarimit të rremë” është akuzuar vetëm njëherë. Një periudhë e gjatë kohore. Ne mendojnë se rrezikshmëria shoqërore është evidente.
Në këto rrethana vendimi unifikues nuk sjell asgjë të re në këtë proces. Nuk ka zbutje të nevojave të sigurimit. Ne 8.06.2026 Kushtetuesja ka shqyrtuar proporcionalitetin e masës dhe e ka konsideruar proporcionale. Kërkesa e të pandehurit për zëvendësim të masës është e pabazuar në ligj dhe prova. Kërkojmë rrëzimin e saj”, tha Prokurori Sotir Kllapi në seancë.
Discussion about this post