Astmer Bilali, një nga 6 të arrestuarit e operacionit Metamorfoza, ka apeluar ne Apelin e GJKKO masën e sigurisë së arrestit me burg të caktuar nga Gjykata e Posaçme.
Gjatë operacionit të shtrirë në disa qytete të vendit ku u arrestuan policë, biznesmenë dhe prokurorin e Kukësit, policia arrestoi edhe Astmer Bilalin e bandës së Bajrave.
Në zbardhjen e përgjimeve të aplikacionit SkyECC Behar Bajri komunikon me Astmer Bilalin. Vrasjen e Ibrahim Licit e kërkojnë me çdo kush të dy, jo vetëm Behar Bajri, por edhe vetë Astmer Bilali, edhe pse kanë qenë shok fëmijërie.
Asmer Bilali, është me precedentë penalë të mëparshëm në policinë e Shkodrës si i dyshuari kryesor për plagosjen e Hermes Beqirit në një nga lokalet e qytetit.
Për ngjarjen e ndodhur në vitin 2017, Asmer Bilali u arrestua në fshatin Grudë ku ishte larguar me motorin e tij për t’iu fshehur policisë. Atij iu gjet edhe një armë tip pistoletë që mendohet se është përdorur për kryerjen e krimit.
Discussion about this post