“Metamorfoza”, zbardhet dëshmia e Pëllumb Gjokës në GJKKO

Ylli Manjani, avokati i biznesmenit Pëllumb Gjoka, tha se nuk ka prova ndaj personave të arrestuar, por ka indicie.

Duke i cilësuar si spekulime gjithçka që thuhet, Manjani tha se asnjë prej të arrestuarve nuk është i pandehur, pasi nuk ka prova.

“SPAK është treguar i papjekur, është nxituar, madje me mënyrën se si kanë vepruar po futin në sherr njerëzit”, tha Manjani.

Sipas tij, Pëllumb Gjoka ka deklaruar në Gjykatë se nuk ka përdorur kurrë programet për të cilat akuzohet se ka komunikuar me persona të tjerë për vepra kriminale.

Biznesmeni Pëllumb Gjoka dhe 5 persona të tjerë u arrestuan në kuadrin e operacionit “Metamorfoza”, ndërsa SPAK i akuzon si grup i strukturuar kriminal.

Pritet që GJKKO të shprehet lidhur me masat e sigurisë ndaj 6 të arrestuarve, ndërkohë që 9 persona të tjerë janë në kërkim.