Kryetari i Partisë së Lirisë, Ilir Meta, ka marrë fjalën para protestuesve të mbledhur përpara Kuvendit të Shqipërisë:
Rama, – tha Meta, – “ do të ikë njëherë e përgjithmonë, së bashku me sektin e tij që i ka bërë dëme këtij vendi më shumë se çdo pushtues i huaj.
I thashë Lefter Kokës, kujdes mos po ta fut Edi. Se ti ngre zërin për probleme. Jo tha ajo, ai m’u lut e mu bë.
Kemi të bëjmë me një skizofen që e shqetëson çdo mendim kundër. Rama është në pushtet me një bandë që ka bërë keq më tepër se çdo pushtues dhe do largohet përgjithmonë. Kur ngrihet populli, banda në pushtet ikën”, tha Meta.
Meta foli edhe për gjendjen e rëndë ekonomike në vend, duke thënë se Shqipëria ka 2-fishin e buxhetit të Kosovës dhe situata është më e rëndë.
“Pra ne kemi dyfish buxhetin më të lartë por japim dy herë më pak. Niveli mesatar i pensioneve në Kosovë është 300 euro ndërsa në Shqipëri është më pak se gjysma. Në zonat rurale është gati sa ¼ e Kosovës. Në Kosovë pagat e pedagogëve janë gati dyfishi i pagave të pedagogëve tanë në Shqipëri.
Kjo qeveri e ka mendjen vetëm për të vjedhur. Nuk dua të bëj krahasime të tjera sa jep kjo qeveri për mbështetjen e bujqësisë dhe blegtorisë. Është e qartë se kemi të bëjmë me një bandë që është deligjitimuar totalisht, Kur rrëzohen institucionet ngrihet populli.
Kur ngrihet populli bien çmimet, Ndëshkohen ata që firmosin fët e fët. Edhe tani që po flasim këtu vazhdon pagesa për inceneratorët. Pronari i vërtetë është kryeministri në largim Edi Rama. Ai është mësuar të shtyjë ditët duke ia futur shokëve. Kështu ia futi Saimir. Lefterit dhe i ka njoftuar të gjithë se do ia fusë Arbenit. Populli i Shqipërisë e ka marrë vendimin e tij, pluralizimi në këtë vend do të rivendoset”, tha Meta.
Discussion about this post