Javët e fundit janë karakterizuar nga një mot i qëndrueshëm dhe me temperatura të ngrohta më vendin tonë, por kjo situatë nuk do të zgjasë dhe shumë. Meteorologia , Lajda Porja, ka treguar gjatë një interviste televizive se java që vjen do të sjellë reshje shiu. Ajo tha se, se moti do të ndryshojë duke filluar nga e hëna, e cila do të sjellë reshje. Reshjet do të intensifikohen në mesjavë e në vijim.
“Kjo situatë është vetëm gjatë fundjavës. Java që vjen do të sjellë vranësira. Shirat do të jene lokal të hënë dhe të martë, ndërsa në mesjavë do të kemi shtim të reshjeve. Parashikohet që java tjetër do të ketë reshje. Javën tjetër do të kemi ndryshim total të motit krahasuar me fundjaven. Vranësira, reshje dhe temperatura të larta. Festat e nëntorit? Së pari do të thoja se është shpejt të bëjmë parashikim saktësisht për datat 28-29. K a gjasa që të ketë reshje. Sa i përket temperaturave mbeten ne vlerat jo më shumë se 21 gradë. Shirat do të jenë shumë të pranishme në javën e fundit të nëntorit. Uroj të ketë reshje të bollshme që të plotësohen kuotata”, tha ajo.
Për fundjavën, Porja u shpreh se do të shoqërohet me kthjellime. Temperaturat do të jenë të ulëta në mëngjes pro do vijnë në rritje gjatë ditës. “Ka pasur përmirësim të ndjeshëm që nga dita e djeshme. E gjithë fundjava parashikohet të jetë me kthjellime, me shumë pak vranësira në zonat malore. Në mëngjes ka pasur rënie të ndjeshme të temperaturave. Sot dhe nesër temperaturat maksimale do te këtë rritje. Mëngjesi do të jetë i ftohtë por pas orë 10 deri në orën 3 do të ketë rritje temperaturash”, tha Porja.
Në përfundim ajo u shpreh se dimrin e vërtetë do të ndjejmë në janar ose shkurt. “Parashikohet që ky vit të mbyllet si vit i nxehtë. Presim dhjetor me temperatura më të larta se temperaturat normale. Nuk do të mungojnë ditët me acar. Parashikohet që edhe dhjetori të jetë më i ngrohtë. 2021 do të mbyllet si vit i nxehtë. Dimrin do ta përjetojmë në janar ose ne shkurt”, deklaroi ajo. Sipas saj edhe në Kosovë java që vjen do të nisë me reshje shiu të dendura dhe temperatura më të ulta.
Discussion about this post