Pavarësisht se dita e sotme nisi me temperatura të larta, do të mbyllet me shi në të gjithë territorin e vendit. Nga e marta temperaturat do të bien me 6 gradë, ku në disa zona do të kapin vlera edhe poshtë 30-tës.
Për katër 4 ditë, Shqipëria do të përjetojë një vjeshtë të shkurtër.
Dita e nesërme do të ketë ulje temperaturash dhe reshje shiu, të cilat do të vijojnë deri të premten. Fundjava sjell sërish rritje temperaturash. Koha me diell dhe temperaturat e larta do të na shoqërojnë të paktën deri në mesin e shtatorit, tha meteorologia Lajda Porja në një lidhje për “ABC News”.
Stina e vjeshtës do të hyjë me temperaturat e verës, një lajm i mirë ky për ata që kanë lënë të pushojnë në shtator.
“Jo vetëm fundjava, por parashikohet që të paktën deri në datën 10 shtator, jo vetëm që do të jetë me diell pothuajse në të gjithë vijën bregdetare dhe në zonat të ulëta, reshjet do të jenë shumë pak prezente. Presin që gjatë fundjavës, që përkon me datat 3-4 shtator, vlerat do të jenë 35 gradë.
Temperaturat do të jenë mbi 30 gradë deri nga data 14 shtator. Për të gjithë ata që kanë pasur pamundësi për të pushuar në korrik dhe gusht, do të kenë dy javë shumë fantastike dhe të favorshme jo vetëm me diell, por edhe me temperatura të larta”, theksoi meteorologia.
Discussion about this post