Në Gjykatën Kushtetuese po zhvillohet seanca për shkarkimin nga detyra të presidentit, Ilir Meta. Ky i fundit ka kërkuar edhe më parë dorëheqjen e trupës gjykuese, sepse sipas tij nuk janë të paanshëm. Por Klotilda Bushka përfaqësuese e Kuvendit doli kundër këtij propozimi, ndërsa u shpreh se me këtë kërkesë, Ilir Meta po tenton që të zvarrisë procesin.
“Afati që thoni ju nuk prodhon asnjë pasojë. Nuk shohim të ketë ndikim në proces se i vetmi pretendim që do kërkohej do ishte e drejta e dëmshpërblimit financiar. Nuk gjykojmë që ka shkelje. Argumente për shkelje të procedurës nuk ekzistojnë dhe nuk e cenojnë gjykimin e cështjes.
Shkaqet që ngrihen në kërkesën e përfaqësuesit të presidentit na ngjajnë abuzive dhe me synim shtyrjen e gjykimit. Kërkoj rrëzimin e kërkesës së Presidentit për dorëheqje të gjyqtarëve”, tha ajo, duke bërë që propozimi I presidentit të mos merret parasysh dhe trupa gjykuese të vazhdojë seancën noramlisht. Trupa gjykuese është tërhequr për të marrë një vendim mbi kërkesën e Presidentit për tërheqjen e gjyqtarëve.
Discussion about this post