Metodat natyrale për të larguar mushkonjat gjatë muajve të verës janë mjaft të thjeshta dhe çdo përbërës që ju nevojitet me siguri ndodhet në shtëpinë tuaj. Përgjithësisht, mushkonjat nuk e pëlqejnë erën e disa bimëve. Ju mund t’i mbani mushkonjat larg duke përdorur bimë si livando, lulet e portokallit ose dhe lëkurat e tij. Gjithashtu, një kombinim vajor i këtyre bimëve mund të përdoret për të spërkatur zona të ndryshme të shtëpisë.
Një nga aromat që nuk u pëlqen mushkonjave aspak është karafili. Ju mund t’i mbani këto insekte larg duke lënë disa kokrra karafili në pjesë të ndryshme të shtëpisë suaj. Po ashtu, mushkonjat nuk e pëlqejnë erën e borzilokut të freskët dhe rozmarinës. Ndaj mbillni bimë të tilla në kopshtin ose ballkonin tuaj.
Një tjetër mënyrë, është të lini gjysmë limoni me disa karafila në të. Kombinimi i aromave të tyre do t’i largojë mushkonjat menjëherë.
Discussion about this post