Një nga momentet më të bukura në “Për’puthen 2” është padyshim çasti kur Mevlani bëri si dhuratë për Ledjanën, një këngë të cilën e kishte krijuar specifikisht për të.
Kjo këngë u pëlqye shumë nga publiku, të cilët i kërkuan Mevlanit të bënte një këngë të plotë, gjë e cila u realizua dhe arriti sukses me klikime.
Por sot, kjo këngë nuk ekziston më. Ish-konkurrenti, pas ndarjes nga Ledjana, ndryshoi këngën duke zëvendësuar emrin e saj me fjalët “Bota ime”. Ky është version i përpunuar i këngës me shumë ndryshime në orkestrim ama me tekst 99% të njëjtë.
Për këtë gjë, ka reaguar edhe vetë ish-konkurrentja e “Për’puthen 2” e cila thotë se e ka dëgjuar këngën e re dhe se Mevlani e kujton akoma.
“Do gënjeja po të thoja se nuk e kam dëgjuar, jo se kam hyr në YouTube kam kërkuar emrin e tij për të parë këngën e re etj, por edhe pse atë se kam follow, kam follow miq të përbashkët e kanë shpërndarë plus dhe fanpage më kanë bërë tag pafund dhe fragmentet që më kanë bërë tag…kam kuptuar që është i njëjti tekst thjesht ka ndryshuar emrin tim, se di më kujton akoma (qesh)” – thotë Ledjana.
Rikujtojmë se kjo këngë ishte edhe arsyeja pse Ledjana filloi “luftën” me Antonelën, e cila që në hyrje i kërkoi Mevlanit me shaka një album dhe Ledjana u irritua aq shumë sa tha se do linte programin nëse Mevlani do i dedikonte diçka të ngjashme Antonelës.
Discussion about this post