Michael Ngoo mund të rikthehet në Superiore. Vllaznia është në kërkim të një sulmuesi dhe drejtuesit e kuqebluve po mendojnë edhe për anglezin.
Mësohet se drejtuesit e Vllaznisë kanë kërkuar informacion për situatën e gjigantit dhe tashmë do të shihet se si do të veprojnë më tej.
Ende nuk ka një ofertë për Ngoo, i cili në Shqipëri ka luajtur me Tiranën dhe ka spikatur. Në sezonin e titullit kampion, 2019/20, ai ishte protagonist absolut.
Sulmuesi shënoi 13 gola dhe dha 12 asiste me bardheblutë, që më pas nuk e bindën me ofertën e tyre për të nënshkruar një kontratë të re.
Sezonin e fundit Ngoo është aktivizuar në Qipro me Enosis. Sulmuesi luajti 17 ndeshje (9 si titullar) në kampionat dhe nuk shënoi dot gol.
