Tashmë që po bëhet një dekadë, nga incidenti me ski që e dërgoi në koma, ish-pilotin e Formula 1, Michael Schumacher, të afermit e tij nuk kanë dhënë shumë detaje, për shëndetin e legjendës gjermane, duke u rezervuar në daljet e tyre në media dhe duke e ruajtur me fanatizëm privatësinë e tyre.
‘Michael Schumacher është një rast i pashpresë’. Kështu është shprehur miku i tij i ngushtë, Roger Benoit, i cili ka folur për gjendjen e 7 herë kampionit të F1, i cili pësoi një aksident të rëndë me ski në vitin 2013 dhe vijon trajtimet në shtëpi, larg syrit publik, për më shumë se një dekadë.
Pasi u rrëzua dhe goditi kokën në shkëmb, Schumacher kaloi 250 ditë në koma të induktuar në spital, para se të kthehej në shtëpi.
Në një intervistë për gazetën zvicerane ‘Blick’, gazetari Benoit tha se nuk ka më shpresë se mund ta shohim sërish një ditë kampionin gjerman.
‘Djali i tij, Mick, ka thënë në një intervistë të vitit 2022 se do të jepte gjithçka që të fliste sërish me babanë e tij. Kjo fjali tregon gjithçka mbi gjendjen aktuale të Michael Schumacher, se si i ka kaluar këto 3500 ditë. Është rast i pashpresë’.
Discussion about this post