Nëse Windows 10 po ju kërkon të rifreskoni PC tuaj, do të jetë më mirë të vazhdoni ta shtyni atë pasi patch-i i fundit nga Microsoft po i shkakton probleme gamersave. Këta të fundit vërshuan në rrjetin social Reddit duke u ankuar se lojërat e tyre janë pothuajse të paluajtshme pas update-it të ri.
Nuk bëhet fjalë për një incident të izoluar, pasi shumë komente bëjnë fajtor këtë update.
Problemet variojnë nga Vsync deri në rënien e frames, BSOD crashes të shpeshta dhe ngecje gjatë lojës. Sipas një raportimi nga Computer Base problemet janë prezente në versionet KB5001330 dhe KB5001337 të Windows 10. Nvidia ka publikuar një deklaratë ku thotë se “nëse ju po shikoni një rënie të performancës në lojëra, kontrolloni nëse rikthimi i versionit KB5000842 e zgjidh këtë problem.” Të prekur janë gjithashtu dhe kartat grafike nga AMD bashkë me CPU nga Intel.
Në listën e redditors të lojërave të “paluajtshme” përfshihen lojërat mjaft të njohura si Doom Eternal, Call of Duty: Warzone dhe Red Dead Redemption 2. Më parë ky update shkaktoi ekranet blu të vdekjes tek disa përdorues. Nëse ju jeni një ndër të prekurit, shikoni këto hapa se sit ë rikuperoni pajisjen tuaj.
Discussion about this post