Ish-zëvendësPresidenti i Shteteve të Bashkuara të Amerikës, Mike Pence në ndalesën e tij të parë në Shqipëri, në kampin “Ashraf3”, në Manzë, ka falënderuar opozitën iraniane për luftën në emër të lirisë.
Pence, u shpreh se kjo është hera e parë që viziton Shqipërinë pas detyrës si zv.president ndërsa siguroi muhaxhedinët për mbështetjen e palëkundur të SHBA-ve.
“Është një privilegj të jemi këtu në shtëpinë e mijëra luftëtarëve të popullit të Iranit.
Kam udhëtuar mijëra milje pasi ndajmë një çështje të përbashkët, çlirimin e popullit të Iranit nga dekada tirani.
Dua t’ju falënderoj të gjithëve, shumica keni kaluar situata të vështira, ju falënderoj për qendrueshmërinë në emër të lirisë. Është hera e parë që vizitoj Shqipërinë pas detyrës së zv. presidentit, do të flas në emër të miliona amerikanëve jo qeverisë së SHBA, dhe populli amerikan janë me ju, ju mbështesin ju që luftoni për lirinë e Iranit”, është shprehur ai.
Discussion about this post