Donald Veshaj dhe Beatrix Ramosaj, edhe pas ndarjes vazhdojnë ende të komentohen në rrjet. Pavarësisht kritikave të shumta për lidhjen e tyre brenda shtëpisë së “Big Brother VIP”, dyshja kanë pasur edhe mbështetës nga jashtë. Një ndër ta ishte edhe mamaja e modeles Oriola Marashi, e cila është mikeshë e ngushtë me Betarix Ramosajn.
Xhoi Jakaj ishte e ftuar në emisionin “Abc e pasdites” së bashku me ish-banorin e “BBV”, Eltjon Merjan. Në studio ata diskutuan për lojën dhe udhëtimin në “BBVIP”, ku balerini u shpreh se në ditët e sotme shumë njerëz nuk janë realë.
“Unë kam diçka për sa i përket pjesës së vlerësimit të tjetrit, kam përshtypjen që ditët e sotme nuk e di pse me jepet kjo përshtypja që shumë persona veshin një personazh, nuk janë realë. Këtë gjë e has edhe kam dyshimet e mia sepse vej pikëpyetje që është ky “Ermali” apo ka veshur një personazh?”
Menjëherë ka ndërhyrë, mamaja e Oriolës, Xhoi Jakaj, e cila e lidhi këtë deklaratë me dashurinë e Donaldit dhe Beatrixës. Ajo u shpreh se nuk e suporton më aktorin e humorit pasi sipas saj ai në rrugëtimin e tij brenda shtëpisë më të famshme ishte i pavërtetë.
“Më pëlqeu shumë, dhe pikërisht se Tokja nuk veshi një personazh dhe ishte shumë i vërtetë në atë që tha dhe u largua shumë shpejt nga formati sepse ai ishte politikisht korrekt me veten e tij dhe audiencën e tij. Nuk të pranon audienca në Shqipëri të jesh korrekt, sa më korret të jesh dhe sa më i mirë të jesh dhe sa më i sjellshëm të jesh është një problem me audiencën. E di tërë bota që aty kam suportuar dy personazhe, Triksën dhe Donaldin. Tani nuk i suportoj të dy, Triksën po, Donaldin jo.”
Së fundmi, moderatrori e ka pyetur mikeshën e Beatrix se cila ishte arsyeja se pse nuk e suporton më aktorin, dhe ajo i ka kthyer duke i thënë se nuk i pëlqejnë njerëzit e pavërtetë.
“Jo vetëm… Loja jo e vërtetë që bëri. Mua nuk më pëlqejnë njerëzit e pavërtetë. Dashuria duhet të jetë e vërtetë, është ose nuk është, ekziston ose nuk ekziston.”
Discussion about this post