Presidenti Ilir Meta është pritur këtë të hënë nga homologu i tij hungarez Janos Adner.
Meta vlerëson marrëdhëniet mes dy vendeve ndërsa shprehet se mundësitë e bashkëpunimit ekonomik janë ende të pashfrytëzuara
Kjo vizitë e Metës vjen në kuadër të ceremonisë së përurimit të bustit të heroit kombëtar Gjergj Kastriot Skënderbeu.
Reagimi:
Mikpritje e ngrohtë dhe miqësore në Budapest, nga homologu im, Janos Adner.
I lumtur të konfirmonim se marrëdhëniet e shkëlqyera, historike dhe tradicionale mes dy vendeve dhe popujve tanë meritojnë të forcohen dhe të thellohen më tej, në të gjitha fushat me interes të përbashkët.
Shpreha mirënjohjen e thellë për mbështetjen e vazhdueshme, që Hungaria i ka dhënë Shqipërisë në kuadër të proceseve integruese në NATO dhe Bashkimin Europian, që na ka motivuar më shumë për të vijuar në rrugën e pakthyeshme të reformave dhe plotësimit të të gjitha kushteve të domosdoshme për çeljen e negociatave për anëtarësim.
Vlerësuam se mundësitë e bashkëpunimit ekonomik janë ende të pashfrytëzuara aq sa duhet dhe se shkëmbimet tregtare, ekonomike dhe turistike janë ende larg mundësive të prekshme.
E falenderova Presidentin Ader për kënaqësinë e veçantë, që më dha, për të përuruar së bashku bustin e Heroit tonë Kombëtar, Gjergj Kastrioti Skënderbeu në Budapest, simbol të rifreskimit të bashkëpunimeve të ngushta mes dy vendeve dhe popujve tanë dhe së ardhmes së tyre premtuese.
