Institucionet Mikrofinanciare në vendin tonë vazhdojnë të jenë vjedhin qytetarët përmes skemave mashtruese. Në vitin që lamë pas Banka e Shqipërisë iu hoqi licencat dy prej këtyre institucioneve, për shkak se u evidentuar që kishin abuzuar me normat e larta të interesit dhe të dhënat e klientëve të tyre.
Në fillim të këtij viti, BSH njoftoi se do të shtonte kontrollet dhe do përforconte ndëshkimet nëse vërente më shkelje të tilla. Por, ky paralajmërim nuk ka dhënë asnjë efekt tek mikrofinancat, të cilat gjatë 2021 kanë vazhduar me skemat mashtrues, përmes të cilave vjedhin qytetarët.
Në raportin mbikëqyrës të BSH për pjesën e parë të këtij viti evidentohet se, nga ekzaminimet e kryera janë evidentuar një sërë shkeljesh në transparencën e jobankave ndaj klientëve.
“Pjesë e rëndësishme e ekzaminimeve dhe çështje mjaft e prekshme në rastin e subjekteve jobanka është edhe vlerësimi i nivelit të transparencës me klientët. Ekzaminimet kanë identifikuar disa probleme në këtë drejtim, të cilat janë adresuar përmes rekomandimeve për subjektet”, thuhet në raport.
Më tej vihet re se, jobankat vazhdimisht përdorin skema mashtruese duke bërë që klientët të paguajnë norma të larta interesi dhe kamatëvonesash. Këto veprime kanë cenuar tregun financiar dhe kanë shfaqu rriskë të lartë për pastrimin e parave. “Një pjesë e mirë e ekzaminimeve kanë evidentuar shqetësimet të raportuar nga qytetarët të lidhura me sinjalizime për ngjarje mashtrimi, mosrealizim të rekomandimeve mbikëqyrëse apo sinjalizime për deformime të tregut”, raporton BSH.
Në kudër të ligjit, përveçse ka paralajmëruar vazhdimisht mikrofinancat ka marrë edhe masa ndëshkuese ndaj disa prej tyre. “Për shkeljet e evidentuara, përveç rekomandimeve për subjekte të veçanta, janë vendosur edhe masa mbikëqyrëse të tilla si tërheqje vëmendjeje dhe gjoba”, tregon BSH.
Për të reduktuar abuzimet nga këto institucione, pak javë më parë BSH nxori një rregullore të re, e cila përcakton një normë tavan interesi për çdo lloj kredie.
E.H/ gijotina.com/
