Milaim Zeka përlotet live për humbjen e nënës

Gazetari i njohur, njëkohësisht dhe ish-deputeti i Kosovës, Milaim Zeka ka folur për fëmijërinë e tij.

I ftuar në emisionin e sotëm të “Breaking” në Top News, të moderuar nga gazetarja Elisa Gjerani, teksa kanë folur për eksodin e shqiptarëve të Kosovës, Milaimi është përlotur dhe tregon se nënë e tij e ka humbur gjatë luftës.

Teksa gazetarja Gjerani e ka pyetur atë se cili është episodi që i ka mbetur në mendje Milaimi është shprehur: Duke qenë babai im djalë i vetëm dhe duke qenë dhe unë çun i vetëm, jam rritur me shumë dashuri dhe me përkëdheljet e atyre që kam dashur që nuk i kam në këtë jetë, por duke u rritur me dashuri, kam ditur t’i jap dhe njerëzve dashuri. (Përlotet) Nënën e kam humbur gjatë luftës. Kam bërë dhe një film-dokumentar “Rikthim në Kosovë” që unë kthehem për të kërkuar nënë time dhe gjej masakrat në Kosovë”, ka thënë ai.

Ai po ashtu ka treguar dhe një amanet që i ati i kishte lënë si dhe ka treguar se gjatë luftës ka qenë duke raportuar.

“Por, që të kalojmë pak këtë temë, një amanet kam pasur nga babai im, që kurrë në jetë mos lësho dorë ndaj një femre dhe ndaj një fëmije. Jam kthyer në luftë nga Suedia, kam qenë 16 vite në Radio Televizionin e Suedisë, por kur u bë lufta e Kosovës jam kthyer edhe e kam pjesën më të lumtur të jetës sime atë pjesë që kam qenë në luftë si gazetar”, shprehet Milaim Zeka.