Milan duket skuadra më e interesuar për shërbimet e Armando Brojës. Sulmuesi shqiptar i cili vetëm pak muaj më parë arriti të rinovonte kontratën me Chelsea, mbetet sërish i shumëkërkuar nga disa skuadra.
Klubi beson shumë në shqiptarin duke ia vazhduar edhe kontratën deri në vitin 2028 me pagë prej 2,5 milionë euro në sezon.
Por nga ana tjetër, Graham Potter nuk i beson shumë minuta sulmuesit të kombëtares, pasi në repartin e sulmit ka preferuar gjatë këtyre javëve dyshe e njohur Sterling-Aubameyang.
Sulmuesi shqiptar u rikthye në Londër pas një viti fantastik si i huazuar te Southampton dhe Chelsea vendosi ta mbajë në radhët e veta.
“Calciomercato” ka raportuar se Milani ka gjetur një formulë për të bindur Chelsean të heqë dorë nga reprezentuesi shqiptar.
Sipas burimit në fjalë, Rossonerët e duan Brojën si huazim në afatin kalimtar të janarit ku janë të gatshëm ta paguajnë edhe pagën e tij të plotë, me mundësi blerje në fund të sezonit, por që Chelsea do ta kishte një opsion riblerje pas dy viteve si në rastin e Tammy Abraham.
Londinezët ende nuk kanë marrë vendim për të ardhmen e 21-vjeçaru ku në garë për të janë edhe spanjollët e Sevillas si dhe Everton, Southampton dhe Neëcastle United.
Broja vlerësohet rreth 35 milionë euro nga Chelsea, derisa këtë edicion ka zhvilluat 12 ndeshje ku ka shënuar edhe një gol.
Discussion about this post