Milani nuk shkoi përtej barazimit 0-0 në debutimin e sezonit në Champions League kundër Newcastle. Kuqezinjtë dominuan pjesën e parë, praktikisht nuk rrezikuan asgjë dhe humbën raste në mënyrë të përsëritur.
Në një pjesë të dytë pak më të bllokuar ata arritën të krijojnë përsëri disa raste shënimi, por jo të thyejnë murin e ngritur nga Tonali dhe shokët e tij, të cilët largohen nga San Siro me një pikë sa të papritur aq edhe të çmuar. Gjysmë gabim për Piolin, i cili nuk gjen shpagimin që shpresonte pas kolapsit në derbi dhe humbet edhe Maignan, i cili doli i dëmtuar 10′ nga fundi.
Gjithsesi, mund të thuhet se Milani gjen sërish identitetin e tij, por jo rezultatin. Në daljen e tyre të parë evropiane, kundër një skuadre që ishte çdo gjë tjetër veçse e papërmbajtshme, kuqezinjtë u bindën edhe një herë për sa i përket qëndrimit, por nuk mundën të çliroheshin plotësisht nga sikleti i humbjes 5-1 përballë Interit.
Shumë raste të humbura, shumë gabime ose pavendosmëri në momente vendimtare. Shija e hidhur në gojë është e pashmangshme. Fushata evropiane, natyrisht, sapo ka filluar, por në “San Siro” dhe kundër kundërshtarit më pak të rrezikshëm në grup në letër, ishte e arsyeshme të prisje tri pikët: rruga për në 1/16 tani është pak më e përpjetë.
Discussion about this post