Milan këtë fundjavë mposhti Salernitanën me rezultatin 2-0 në kampionatin e Seria A, fitore kjo që e rriti motivimin e skuadrës përpara përballjes së ‘kuqezinjve’ në Champions League kundër Liverpool.
Në përfundim të kësaj sfide, trajneri Pioli u shpreh me nota mjaft pozitive për skuadrën, por nuk harroi të përmendë supersfidën e së martës të Milan në Champions.
“Unë dal me kënaqësinë e një paraqitjeje të mirë dhe një fitore të mirë. Sigurisht që të shënonim edhe disa gola do të ishte më mirë. Unë jam i kënaqur me besimin dhe pjekurinë që ka treguar skuadra duke i dhënë vazhdimësi ndeshjes së Genoa”, deklaroi Pioli.
“Takimi me ta tashmë na jep më shumë informacion rreth tyre. Në Champions League nuk mund të mos jesh cilësor dhe intensiv. Ato duhet të jenë karakteristikat tona”.
“Liverpooli ka një mijë pika të forta, ata kanë sulmues fantastikë përpara. Është një nga skuadrat më të forta, ne do të përpiqemi të japim më të mirën”, tha Pioli.
Discussion about this post