Këtë të martë Milan do të përballet me Torinon në orën 20:45 në ‘San Siro’ në kuadër të javës së 10-të të Seria A.
Në prag të kësaj sfide ‘Kuqezinjtë’ e Italisë kanë marrë një lajm shumë të madh, pasi dy nga yjet e skuadrës janë në gjendje të luajnë.
Trajneri Stefano Pioli ka thënë në një intervistë për mediat italiane se janë rikthyer në ekip dhe janë të gatshëm për këtë sfidë Theo Hernandez dhe Franck Kessie. Hernandez ka kaluar tashmë Covid-in, teksa Kessie ka kaluar gripin.
“Nëse Theo stërvitet sot, ai mund të jetë pjesë e ndeshjes, por nuk mendoj që e nis nga fillimi. Kessie është në dispozicion”,-tha tekniku.
Në këtë mënyrë në ndeshjen me Torinon, Milan pritet të zbresë në fushë me të gjitha forcat, me Ibran që tregoi në ndeshjen e fundit se është rikuperuar./K.T/Gijotina.com
