Milani i Piolit po përgatitet për sfidën e kampionatit përballë Torinos mes shumë problematikave. Viti 2023 nuk ka nisur mirë për kampionët në fuqi të Italisë të cilët nuk kanë marrë pikë asnjë prej tre ndeshjeve të fundit përfshirë këtu humbjen një me zero në derbin e Milanos përballë Interit. Trajneri Pioli garantoi se ndaj Torinos ka për të ardhur kthesa e shumëpritur edhe pse u tregua i kujdesshëm në analizën për kundërshtarin:
“Është një skuadër që krijon probleme por ne kemi dëshirë të dalim nga momenti i vështirë. Kritikat bëjnë mirë. Do të ringrihemi”
Tekniku foli dhe në lidhje me rikthimin e Zlatan Ibrahimovic, sulmuesi suedez, i cili, ka vuajtur shumë dëmtimet këtë sezon:
“Do të grumbullohet sepse ka dëshirë të qëndrojë pranë ekipit megjithatë ende nuk është 100% në formë”.
Discussion about this post