Trajneri i Milanit, Stefano Pioli, është i përqendruar, por i qetë në prag të ndeshjes së skuadrës së tij kundër Tottenhamit në Champions League, në një periudhë në të cilën “Il Diavolo” ka shumë probleme. Ndeshja evropiane mund t’i japë skuadrës pak shpresë për sa i përket sezonit:
“Duam të tregojmë vlerën tonë. Prania e Maldinit në Milanello ishte e rëndësishme”. Një sfidë e rëndësishme për trajnerin edhe nga pikëpamja personale: “Do të jenë dy ndeshjet më të rëndësishme të karrierës sime, nuk kam arritur kurrë kaq lart në Champions League”.
Pioli foli në detaj edhe për ekipin kundërshtar, duke theksuar soliditetin e ekipit të drejtuar nga Antonio Conte:
“Do të gjejmë një skuadër shumë kompakte dhe solide, me një repart sulmues cilësor. Mungojnë dy mesfushorë, por mund t’i kompensojnë këto mungesa. Ata janë një kundërshtar i fortë nga pikëpamja taktike, por ne do të përpiqemi të godasim”.
Discussion about this post