Milan ka arritur të marrë një fitore me peshë në “Stadio Olimpico” të Romës, aty ku mposhtën verdhekuqtë me rezultatin 2-1.
Lombardët kaluan në avantazh që në fillim të pjesës së parë, ku në minutën e 9’, fituan një penallti dhe Giroud nuk mund të gabonte para portës.
Pjesa e parë u mbyll me këtë rezultat, edhe pse 45 minutat e para u dominuan nga miqtë. Në pjesën e dytë, më saktë në fillim të saj, Milan gjen edhe golin e dytë.
Një aksion i nisur nga Calabria në krahun e djathtë dhe një top i dërguar nga italiani në drejtim të zonës, përfundon te Leao i cili me një lëvizje akrobatike e dërgon topin në rrjetë.
Më vonë, Fikayo Tomori u ndëshkua me kartonin e dytë të verdhë dhe Milan mbeti pothuajse me dhjetë lojtarë në pjesën e dytë, por Roma nuk arriti të shfrytëzonte këtë rast.
Goli i nderit për Romën erdhi në fund të ndeshjes, kur Spinazzola dërgoi shifrat në 1-2. Minuta pati edhe për Lukakun, i cili u aktivizua nga stoli në minutën e 70’. Me këtë fitore, Milan pozicionohet aktualisht në vendin e parë me nëntë pike.
Në ktë sfidë, debutoi me kryeqytetasit edhe blerja më e re, Romelu Lukaku, i cili para ndeshjes u prezantua në mënyrë pompoze para gjithë tifozëve.
Discussion about this post