Merkatoja e transferimeve nuk gëzon aspak tifozët e Liverpoolit. Naby Keita do të largohet në fundin e sezonit nga The Reds. Mesfushorit i përfundon kontrata në 30 qershor 2023 dhe do të jetë opsion i lirë për shumë klube. Së fundmi, shtypi britanik ka raportuar se Milani ka shfaqur interesim për ta transferuar 28 vjeçarin në San Siro.
Keita është i lirë të nënshkruajë një parakontratë, sepse i lejohet të bëjë këtë zgjidhje në momentin që ndodhet në gjashtë muajt e fundit të kontratës. Lojtari nga Guinea numëron 127 paraqitje në total me Liverpoolin, në katër vitet e gjysmë në qyteti portual.
Mesfushori ka shënuar 11 gola me ekipin e Jurgen Klopp, teksa në fundin e dhjetorit la pas dëmtimin dhe u rikthye në aksion. Këtë sezon, Keita numëron 6 paraqitje në kampionat.
Me Liverpoolin ka fituar gjashtë trofe: Premier League, Champions League , Fa Cup, Carabao Cup, Botërorin për Klube dhe FA Community Shield (Superkupa e Anglisë). Milani transferoi Divock Origin nga Liverpool me parametra zero dhe po në të njëjtën mënyrë kuqezinjtë synojnë edhe firmën me Naby Keita. Ky i fundit u transferua nga Leipzigu te Liverpooli për 60 milionë euro në verën e vitit 2018.
Discussion about this post