Igli Tare rikthehet në vëmendjen e Milanit dhe nuk është çudi. Deri një muaj më parë ishte ndër emrat më të mundshëm për një zbarkim te kuqezinjtë, pasi preferohej edhe nga Ibrahimoviç.
Është e vërtetë, në thelb klubi kuqezi synon të bëjë një ndryshim mjaft të qartë drejt italianëve, si në nivel drejtues ashtu edhe në skuadër, por Tare në fakt është shumë italian. Ai ka luajtur në Serinë A shtatë vjet mes Breshas, Bolonjës dhe Lacios.
Pastaj pesëmbëdhjetë të tjerë i kaloi si drejtor sportiv, duke formuar një partneritet shumë të ngushtë me presidentin Lotito. Aq afër, kur Milani tentoi ta joshte tashmë në vitin 2019, Igli e refuzoi ofertën, duke respektuar kontratën me bardhekaltërit.
Pikat e forta e tj? Natyrisht njohuria optimale e dinamikës së Serisë A dhe aftësia për të punuar me buxhete që nuk janë saktësisht të stilit të Ligës Saudite. Këtë e dëshmojnë lojtarët që kanë kaluar ndër vite te lacialët. Sa i përket të qenurit italian, fakti që vijon të jetojë në Romë edhe pse ka dy vitet që nuk punon, e tregon qartë lidhjen e tij me Gadishullin Apenin. Madje, edhe djali i Iglit, Etieni, në Romë ka hedhur hapat e parë si futbollist, përpara se të kalonte në Austri me ekipe të njohura, si Shturmi apo Rapidi.
Discussion about this post