Milani e bind me ofertën, sulmuesi i Liverpool në Serie A në qershor

Divock Origi do të jetë pjesë e Milanit sezonin e ardhshëm. Sulmuesi do të largohet nga Liverpool dhe do të provojë një eksperiencë të re në Serie A.

Gazetari Daniele Longo shkruan se marrëveshja mes Milanit dhe Origit është arritur dhe tani ka mbetur vetëm firma mbi kontratë.

Pas finales së Champions League, që Liverpool e luan ndaj Real Madrid më 28 maj, sulmuesi do të kryejë vizitat mjekësore dhe më pas do të vijojë me formalitetet e tjera, si firma dhe prezantimi.