Milani i është rikthyer pistës Hakim Ziyech. Chelsea pagoi 40 milion euro tek Ajax verën e kaluar, por mesfushori ofensiv nga Maroku nuk po ia del të kthehet në një titullar fiks te kampionët e Evropës.
Kuqezinjtë nuk e kanë gjetur akoma zëvendësuesin e Hakan Calhanoglu. 28-vjeçari i “Bluve të Londrës” mbetet një nga të preferuarit e dyshes Maldini-Massara.
Milani propozon marrjen në huazim me të drejtë blerje në fund të sezonit të ri, ndërsa klubi anglez kërkon shitjen e plotë të lojtarit sulmues, sigurisht me një shumë më të vogël se 40 milion euro.
Corriere dello Sport shkruan se drejtuesit e Milanit kanë vendosur të presin edhe pak. Marrëdhëniet me Chelsea janë të mira dhe në Londër do të pranojnë huazimin e Ziyech në Serie A nëse nuk e shesin këto ditë.
Vetë lojtari e sheh me sy të mirë transferimin e kuqezinjtë italianë, por një tjetër “problem” për t’u zgjidhur është edhe rroga sezonale. Ziyech përfiton aktualisht mbi 5 milion paund në sezon.
