Milani do të luajë nesër derbin kundër Interit, aty ku do të synojë të rikthehet te fitorja në derbi dhe të marrë i vetëm kryesimin e kampionatit.
Por, në prag të këtij takimi, Milani ka marrë një lajm të keq nga infermieria.
Pierre Kalulu nuk ia ka dalë të jetë i gatshëm për Piolin, duke qenë se ka pësuar një dëmtim në kofshë pak ditë më parë dhe sot kanë qenë testet e fundit mjekësore para derbit.
Rezultatet e kanë ndaluar futbollistin që të jetë i gatshëm për takimin e nesërm dhe me shumë gjasa, do të mungojë edhe në ndeshjen e parë të Championsit.
Milani do të ketë një tjetër mungesë të rëndësishme në derbi, ku Fikajo Tomori e ka humbur takimin për shkak të kartonit të kuq që mori në takimin e fundit ndaj Romës.
Discussion about this post