Situata e Xhanluixhi Donarumes duket se po perseritet tek skuadra e Milanit. Kuqezinjtë nuk po i’a dalin të arrijnë akordin me mesfushorin Frenki Kesi per te rinovuar kontratën. Futbollisti është në skadencë kontrate e cila përfundon në fundin e sezonit të ardhshëm. Mediat italiane raportojnë se për futbollistin ka një interesim nga skuadra e PSG e cila synon të firmos me lojtarin me parametra zero. Kesi kërkon një pagë më të lartë por drejtuesit e Milanit të gjendur në vështirësi ekonomike nuk i’a plotësojnë dot kërkesat futbollistit. Tashmë mbetet për tu parë nëse palët do të arrijnë një akord gjatë sezonit, në të kundërt italianët do të humbasin me parametra zero një prej lojtarëve kryesor të skemave të trajnerit Pioli.
