Në Milano është hapur hoteli i parë për macet i cili quhet“La casa del gatto”, dhe është vendi me një menu të personalizuar dhe shumë komoditete, ku macet mund të kalojnë disa ditë në dhoma të ngrohta dhe me ajër të kondicionuar, të rrethuara dhe të përkëdhelura, ne një ambient plot ngjyra dhe argëtim.
Gjatë qëndrimit të tyre në hotel, macet gëzojnë përfitime relaksuese si terapi muzikore; duket në fakt se muzika klasike është një qetësues i shkëlqyer i stresit për macet, të cilat i duan meloditë e ngadalta dhe relaksuese.
Nga një studim i bërë nga shkencëtarët nga Universiteti i Lisbonës, doli se muzika klasike u zbulua se ishte efektive në qetësimin e maces gjatë vizitës tek veterineri dhe madje ndikon në zemrën dhe ritmin e frymëmarrjes.
Për ta bërë atmosferën edhe më të këndshme, ka prani të luleve ”Bach” e cila nxit pushimin dhe relaksimin. Ekzistojnë tre lloje akomodimi: dhoma standarde (për një kotele që jeton vetëm), dhoma dyshe dhe suita. Pronarët më të shqetësuar mund të lidhen me një kamerë në internet për të parë dhe madje të ndërveprojnë me macen e tyre.
Ndër shërbimet ekstra për macet mund të kërkohet marrja dhe dorëzimi në shtëpi, kujdesi, konsultat dhe vizitat veterinare, furnizimi dhe aplikimi i pesticideve. Hoteli u inagurua në 8 prill në Milano.
Discussion about this post