Një 51-vjeçar shqiptar me shumë dënime penale është arrestuar dje, në Milano për trafik droge. Ai kishte me vete 7 mijë euro para cash dhe 10 mijë të tjera i mbante të fshehura në lavatriçe në shtëpinë e tij, ku u gjetën dhe sekuestruan edhe njëzet doza ‘kokainë rozë’.
Burri u vu re nga agjentët e seksionit të gjashtë të skuadrës “mobile”, të angazhuar pasditen e djeshme në një shërbim që synonte të luftonte trafikun e drogës në zonat e Brera, Moscova dhe Repubblica dhe rrugët fqinje. Rreth orës 15:00 i dyshuari kaloi përmes Piazza della Repubblica me makinë dhe eci përreth për t’u siguruar që të mos ndiqej. Me të mbërritur në Viale Tunizi, 51-vjeçari ndaloi dhe zbriti nga automjeti, më pas u nis në drejtim të Via Vittor Pisani, ku takoi një 44-vjeçar, me të cilin shkëmbyen diçka, përpara se të largohej dhe të kthehej në makinë. Klientit të ndaluar nga policia iu gjetën katër doza kokainë të blera pak më parë. 51-vjeçari, i ndaluar dhe kontrolluar, kishte të fshehura në të brendshme 24 doza kokainë dhe gjashtë 2C-b, ‘kokaina rozë’. Në xhepin e pantallonave kishte 315 euro dhe dy celularë, ndërsa në dorë kishte një zarf letre me 7350 euro para “cash” brenda. Në shtëpinë e tij në zonën e Baronës, oficerët sekuestruan njëzet pako 2C-b dhe material ambalazhi brenda kuzhinës, ndërsa 10 mijë euro “cash” ishin fshehur brenda lavatriçes.
gijotina.com/
Discussion about this post