Presidenti i Kroacisë, Zoran Milanoviç, në konferencën e përbashkët me Vjosa Osmanin u shpreh se nisma “Open Ballkan” nëse ka qëllime të mira do të merrët parasysh dhe nga vendet që nuk janë pjesë e saj, por kjo me kushtin që të gjithë të trajtohen si të barabartë, pasi në të kundërt duhet diskutuar rreth qëllimit të krijimit të kësaj nisme.
“Nuk na prek neve në mënyrë direkte, por nëse iniciativa ka qëllime të mira atëherë duhet ta marrim parasysh, por me kusht që të gjitha shtetet të trajtohen njëjtë, në të kundërtën atëherë duhet pyetur se cilat janë motivet e saja”,- u shpreh Milanoviq.
Milanoviç tregoi mbështetje maksimale për Kosovën dhe njohjen e saj si shtet të lirë e të pavarur, duke shtuar se edhe Serbia duhet të njoh atë sa më shpejt. Milanoviç do të zhvillojë takime me lidertë e shtetit të Kosovës, gjatë qëndrimit të tij dy ditor. Pas konferencës me presidentet Vjosa Osmani, ai u prit nga kryeministri Albin Kurti dhe kryetari i Kuvendit Glauk Konjufca.
Discussion about this post