Faqja e Qendrës Kombëtare të Biznesit nuk punon që prej fillimit të kësaj jave, edhe pse qeveria shqiptare paguan 3 mijë euro në ditë për mirëmbajtjen e saj.
Rritja e ndjeshme e kostove që qytetarët shqiptarë paguajnë për mirëmbajtjen e regjistrit elektronik nuk ka sjellë përmirësim të shërbimit, përkundrazi e ka përkeqësuar ndjeshëm atë, teksa shpesh faqja ka defekte të gjata dhe shumë nga dokumentat publikë nuk shkarkohen asnjëherë.
Në vitin 2007, USAID financoi ngritjen e Qendrës Kombëtare të Biznesit. Për 15 vjet me radhë sistemi i QKB u menaxhua nga USAID pa asnjë ditë të vetme defekt dhe mirëmbajtja e tij është paguar 100 mijë euro në vit.
Por vitin e kaluar faqja e QKB i kaloi Agjencisë Kombëtare të Shoqërisë së Informacionit. Në shtator të 2022, AKSHI hapi një tender me fond limit 205 milionë lekë ose 1.86 milionë euro për përmirësimin dhe mirëmbajtjen e sistemit të QKB për 2 vjet.
Tenderi u fitua nga bashkimi i kompanive Sof & Solution dhe Horizon. Por edhe pse këto kompani marrin 900 mijë euro në vit, 9 herë më shumë nga sa ka paguar USAID për 15 vite rresht, faqja e QKB shpesh nuk punon dhe ka probleme të shumta në shkarkimin e dokumentave./Oligarkia
Discussion about this post