Militantët e Bashës kërcënuan dhe shanë deputetët e PD, Sefa: Edhe mua më shajnë ata të Foltores

Indrit Sefa, anëtar i Kryesisë së PD-së së vulës, tha në emisionin “Open” se dënon ccdo akt dhune apo kërcënimi ndaj deputetëve.

Sefa tha se tensionet në mbledhjen e Kryesisë së PD pati tensione për shkak se do të merrej një vendimmarrje delikate, e cila ka të bëjë me organizimin e partisë.

“Mua më shajnë gjithë ditën ata të Foltores, po unë nuk dal të ankohem, as të them gjë, ata më shajnë se unë mbaj këtë pozicion që kam sot. Por ti quash paramilitarë është një term jo i duhur, besoj se Gazment Bardhi e ka përdorur emocionalisht”, tha Sefa.

Ai u shpreh se nuk mbështet veprimet e disa prej anëtarëve të PD-së, sharjet apo kërcënimet, por edhe ata janë të shqetësuar për atë që ndodh në këtë parti.

“Dënoj me forcën më të madhe ccdo sharje, kërcënim apo veprim, qoftë edhe dhunë verbale”, tha Sefa.