Pesë ndeshje, 15 pikë të plota për Real Madridin në këtë fillim sezoni në La Liga. Skuadra madrilene mposhti 2-0 Espanyolin në ‘Bernabeu’.
Me Xabo Alonson që shënon thjesht një start perfekt. Real Madridi ka kaluar në avantazh falë një goli spektakolar të Éder Militão-s në minutën e 20-të të sfidës ndaj Espanyolit në “Santiago Bernabéu”.
Mbrojtësi brazilian, i njohur më shumë për punën e tij në prapavijë sesa për golat, befasoi të gjithë me një goditje të fuqishme nga mbi 30 metra.
Pasi mori topin në gjysmën e kundërshtarit, Militão e çoi përpara dhe lëshoi një predhë me të djathtën që përfundoi në trekëndëshin e portës së Marko Dmitrović, duke mos i lënë atij asnjë mundësi reagimi.
Ky ishte goli i tij i parë pas gati një viti. Militão nuk shënonte që nga 29 shtatori 2024, në derbin kundër Atlético Madridit, ndërsa sezonin e kaluar e humbi kryesisht për shkak të dëmtimit.
Një realizim i jashtëzakonshëm, që jo vetëm i dha avantazhin madrilenëve në javën e pestë të La Ligës, por që pritet të konkurrojë seriozisht për golin më të bukur të javës – ndoshta edhe të sezonit.
Në pjesën e dytë shënoi edhe Mbappe me francezin që konfirmon formën fantastike që po kalon.
gijotina.com/
Discussion about this post