Deputeti i OBRM-PDUKM-së, Antonio Milloshoski ka bërë një deklaratë të fortë pas bisedës që pati me delegatët evropianë në margjinat e konferencës transatlantike të sigurisë në Uashington. Ai tha se të dhënat tregojnë që Maqedonia e Veriut nuk do të marrë datë për negociata me BE-në në dhjetor, as në gjysmën e parë të vitit të ardhshëm.
“Nga biseda me bashkëbiseduesit del konkluzioni se këtë dhjetor Maqedonia nuk do të marrë datë për fillimin e negociatave me BE-në. I njëjti rezultat i pafavorshëm pritet në periudhën janar-korrik 2022. Ndërkohë, Shqipëria po bën përpjekje diplomatike për t’u shkëputur nga paketa me Maqedoninë për të rritur mundësitë e saj për të marrë një datë negocimi vetë, por është ende e pasigurt nëse ky opsion do t’i bindë të gjithë anëtarët e BE-së që të marrin një vendim unanim për hapin e dëshiruar të Tiranës zyrtare drejt Brukselit”, ka shkruar Milloshoski në Facebook. Ndërsa tha se duhet akoma më shumë punë dhe lobim për këtë çështje.
Discussion about this post