Një grup minatorësh në pension protestuan këtë të hënë para Kryesisë së Kuvendit, në nisje të komisioneve parlamentare.
Ata përsëritën kërkesat për miratimin e statusit të minatorit që e konsiderojnë nevojë urgjente.
Konkretisht, kërkesat për “Statusin e Minatorit” janë që të garantojë: Sigurimin e jetës për minatorët, rritjen e pagave dhe përfitimeve për këtë kategori, rritjen e pensioneve të tyre si dhe garantimin e kujdesit shëndetësor të veçantë për minatorët dhe ish-minatorët.
Të gjendur përballë faktit që kanë protestuar prej vitesh për miratimin e statusit të minatorit, por pa marrë asnjë zgjidhje nga intitucionet, ata lajmëruan se nuk do i ndalin protestat.
Minatorët kanë lajmëruar se të mërkurën do i bashkohen protestës së pensionistëve përpara kryeministrisë, ku do të adresojnë sërish shqetësimet dhe kërkesat e tyre.
“Nuk jeni vetëm ju të vjedhur, pro është vjedhur një popull i tërë nga këta maskarenjtë, që kanë bërë ligje antikushtetues për të vjedhur pensionistët. Këta kanë shtuar në ligj nenin 9/13 që janë kundër nenit 79 që është detyrim ligjor që të mbrohen kontributet, prandaj ju bëj thirrje deputetëve, kryetares së parlamentit që të pastrojnë ligjet nga nenet 9/13 që janë kundër nenit 79”, u shpreh një prej minatorëve.
“Këtu i gjithë shteti është kundër këtij neni, nga parlamenti, ekzekutivi, kryeministri dhe të gjithë me radhë ku institutcionet nuk punojnë me ligj, por me sistem kompjuterik. Këta janë kundër popullit, këta duhen hetuar nga SPAK, ky është një krim shtetëror kundër popullit, kundër njerëzve të punës nga shteti i së drejtës që në fakt është shteti që rrjep qytetarët dhe i vjedh ato çdo ditë”, shtoi ai.
Discussion about this post