Një socialist me profesionin minator në Bulqizë, ka djegur teserën e Partisë Socialiste gjatë një takimit të kandidatëve të PD-së për zgjedhjet parlamentare të 11 Majit me minatorët e Matit dhe Bulqizës.
Video është shpërndarë në rrjetet sociale nga kandidati demokrat Basir Çollaku, teksa gjatë momentit kur minatori djeg teserën, dëgjohen thirrjet “Rama ik” apo “Rama legen”.
Në fund, minatori ka patur edhe një thirrje për Edi Ramën ku shprehet “po të jetë burrë, le të vijë në Bulqizë ta thotë atë që tha në Dibër”, duke iu referuar termit “çyryk” që kryeministri përdori për burrat.
“Minatori djeg teserën e Rilindjes, djeg vuajtjen e tij, djeg harresën ndaj tij, e bashkëvuajtësve, në takimin me minatorë të Bulqizës e Matit..” – shkruan Basir Çollaku krahas videos së shpërndarë në rrjetet sociale.
Discussion about this post