Deputetët demokratë që bëjnë pjesë në grupimin e drejtuar nga ish-Kryeministri Sali Berisha kanë depozituar në Kuvend pr/ligjin për vendosjen e minimumit jetik prej 200 eurosh.
Ata thonë se kjo është një domosdoshmëri jetike për të nxjerrë shqiptarët nga varfëria ekstreme, duke theksuar se nga ky projektligj përfitojnë mijëra qytetarë me ndihmë ekonomike.
“Partia Demokratike dorëzoi sot në Kryesinë e Kuvendit projektligjin për vendosjen e minimumit jetik prej 200 eurosh për çdo shqiptar si një domosdoshmëri jetike, për të nxjerrë shqiptarët nga varfëria ekstreme.
Nga ky minimum përfitojnë qindra e mijëra qytetarë në ndihmë ekonomike, në papunësi dhe në pension”, thuhet në njoftimin zyrtar.
Drafti është firmosur nga deputetet Albana Vokshi dhe Sorina Koti.
Discussion about this post