Minimumi jetik, Lëvizja Bashkë protestë para Kuvendit

Lëvizja Bashkë ka zhvilluar pasditen e sotme një tjetër protestë para Kuvendit të Shqipërisë duke kërkuar miratimin e minimumit jetik.

E ndërsa deputetët janë mbledhur në seancë, mbështetës të Lëvizjes Bashkë, i kanë kërkuar Kuvendit që të miratojë premtimin e Kryeministrit, lidhur me minimumit jetik.

Sipas Lëvizjes Bashkë, që drejtohet nga Arlind Qorri, çështja e mininumit jetik prek pjesën më të madhe të shoqërisë, duke pasur ndikim të drejtpërdrejtë te pensionet, pagat dhe ndihma ekonomike.

“Minimumi jetik është një prej shtyllave të munguara të shtetit social dhe kohezionit qytetar”, shprehen drejtues të kësaj Lëvizjeje.

Protestuesit kanë kërkuar një minimum jetik me vlerën mbi 20 mijë lekë.