Prokuria e Përgjithshme nuk ia ka vonuar përgjigjen presidentit Meta, në lidhje me kërkesën e tij për verifikim, për ministrat e qeverisë së re. Sipas kthimpërgjigjes, Prokuroria njofton se asnjë nga ministrat nuk ka rezultuar i proceduar penalisht.
Meta, i dërgoi kërkesën Prokurorisë ditën e djeshme, i cili kërkonte informacione për 16 emrat e propozuar nga kryeministri Edi Rama si ministra.
Por edhe pse disa prej ministrave janë nën hetim, në përgjigjen e prokurorisë thuhet se ata janë të pastër.
Kujtojmë këtu që ministri i ri i Drejtësisë Ulsi Manja, është një prej të akuzuarve për dosjen “184”.
Edhe ministri i Mbrojtjes, Niko Peleshi, vazhdon të ketë të hapur një dosje hetimore në Prokurorinë e Tiranës për kohën kur ishte ministër Bujqësie dhe që hedh dyshime ndaj tij për 4600 litra të futura në vendin tonë si helm insektesh, të njohura ndryshe si silikon mix.
Ndërsa ministrja e Injfrastrukturës dhe Energjisë, Belinda Balluku, është nën akuzë për shkelje në procedurën e tenderimit të Portit të Vlorës dhe Portin e Durrësit.
