Ministrat e Jashtëm të NATO-s do të mbajnë një takim virtual të jashtëzakonshëm ditën e nesërme më 7 janar. Ata do të diskutojnë ngritjen ushtarake të Rusisë rreth Ukrainës dhe çështje më të gjera të sigurisë evropiane.
Njoftimin e ka dhënë vetë NATO me anë të një postimi në Twitter. Moska kërkon garanci që NATO do të ndalë zgjerimin e saj drejt lindjes dhe se do t’i japë fund bashkëpunimit ushtarak me Ukrainën dhe Gjeorgjinë, të cilat kanë mosmarrëveshje territoriale me Rusinë.
Moska gjithashtu ka hedhur poshtë pohimet e Uashingtonit se po planifikon një sulm ndaj Ukrainës dhe akuzon Kievin për rritjen e pranisë ushtarake në lindje të territorit të saj.
Discussion about this post