Ish kryeministri Sali Berisha ka nisur konferencën e sotme duke folur për protestën e 12 nëntorit, ku deklaroi se “Shqipëria po zien” nga mërzia e të gjitha shtresave të qytetarëve, nga pensionistët tek bizneset.
Në fjalën e tij nga selia blu, Berisha bëri deklaratën e fortë se 2500 policë dhe ushtarakë kanë dorëzuar dorëheqjen, por ministri Çuçi e ka fshehur lajmin. Gjithashtu Berisha ka denoncuar se mbi bizneset e vogla janë sulur taksidarët.
“Shqipëria po zien si rrallë ndonjëherë në historinë e saj nga zemërimi dhe revolta e qytetarëve të saj, bizneseve të vogla, të çilët presin në ankth të madh të nesërmen për shkak të lukunisë së taksidarëve që është derdhur mbi ta, po zien në çdo familje shqiptare për shkak të çmimeve të papërballueshme të produkteve bazë të jetës. Po zien tek çdo i ri që sheh tek Rama një shpresë vrasës e ëndërr vrasës. Tek çdo pensionist që qan me lotët e ftohta të mjerimit se nuk siguron dot kafshatën me pensionin e tij. Po zien tek qindra mijëra punonjës, rrogëtarë në këtë vend që me pagën mizerabël nuk përballojnë dot as gjysmën e muajit. Mijëra policë e ushtarakë kanë paraqitur dorëheqjen, 2500 policë kanë dorëzuar dorëheqjen dhe Çuçi i familjes fsheh realitetin”, tha Berisha.
Discussion about this post